MP3 jaitsi (29 Mo)

Badu orain 43 urte lehen aldiz eman zutela May B dantza ikusgarria, eta segitzen dute ematen.

Arantxa Lannes kronikariak ikusi ahal izan du pasa den hilabetean Angelun, aspaldian ikusi nahi zuen obra. Dantza eta antzerkia uztartzen dituen ikusgarria da, Maguy Marin koreografoarena.

Arantxa Idiederri aipatu dio.

Kronikan aipatzen ditu bideo batzu, interesa baldin baduzu hau edo hori ere so egiten ahal duzue.

MP3 jaitsi (23 Mo)

Haurrei zuenduak zaizkien bi album aipatzen dizkigu hilabete honetan Ikas pedagogia zentroko Unai Zubeldia kronikariak.

3 eta 8 urte artekoei zuzendua zaizkien bi album ilustratuak dira, Ixabel Etxeberriaren testuekin, eta Garbiñe Ubedak ilustratuak.

• Urtaroak liburuxkan, xakur ttipi bat segitzen dugu hilabetez hilabete, bertsu zonbaitzukin.
• Bi etxe maitasun bera-n aldiz, burasoen separaketa aipatzen da, haurren ikuspegitik.

MP3 jaitsi (5 Mo)

Astelehenetan 8:45ean Peio Ospital laguntzailearen berriak.

MP3 jaitsi (3 Mo)

Astelehenero 8:45ean Josephine Olhagaray laguntzailearen berriak.

MP3 jaitsi (27 Mo)

Otxanda Larzabal-Idiartek film bat eta zinema festibal bat aipatu dizkigu aldi honetan.

• Resilient Man dokumentala, dantzari baten segipena zauria bizitzeko eta gainditzeko bide hortan
• Docketan Topa Baionako Atalante zinema festibalean ikusgai izango diren film batzu aipatu dizkigu, Iraniarrak eta bereziki euskaldunak.

MP3 jaitsi (47 Mo)

Gipuzkoako Alegia herrikoa zen Anjela Kerexeta Aizpuru, gazte-gaztetik Tolosako ostatu batean zerbitzari ibili zena. Joxe Mari Iparragirre Balerdi aipatu tabernan ibili zen kantari eta bertsoz kortejatu zuen neska gaztea. Garai hartan Iparragirrek 36 urte zituen.

Argentinara joan ziren, eta Buenos Airesen ezkonduko ziren. 1858ko udan iritsi ziren Buenos Airesera, eta hango portuan euskaldun asko zeuden Joxe Mari Iparragirreren zain, ordurako bere kantua, “Gernikako Arbola” alegia, arras famatua eta zabaldua baitzen munduko euskaldun guztien artean.

Anjela Kerexetaren bizi istorioa kondatu digu Joseba Aurkenerenak.

MP3 jaitsi (2 Mo)

Baxe Nafarroa eta Xiberoko kanporaketen ondotik Gure Irratiak antolatu Lapurdiko Haur Kantu Txapelketaren txanda izango da Maiatzaren 5ean Larresoron, Ote lore elkartearen laguntzarekin. Txapelketa baino gehiago, euskarari eta euskal kantugintzari plaza bat eskaintzeko lekua izango da eguna, eta parada eder bat haurrentzat eszena gaineko esperientzia bizitzeko.

Aurten sekulan baino izen emate gehiago izan dugu, orotara 40 kantu emango dituzte berrehun bat haurrek.

Epaimahaiak goiz bukaeran haurtxoei eta arratsalde bukaeran gaztetxoei banatuko ditu sariak. Maitena Beheran, Marilou Lapeyrade, Patxi Amulet, Antton Larrandaburu eta Kattalin Indaburu musikari, kantariak izango dira aurtengo epaimahaiko kideak. Horrezgain, publikoak ere bere kantuarentzat bozkatzen ahalko du goizean, eta arratsaldean.

Berezitasun bat izango du aurtengo edizioak, Maite Idirin urtetan Lapurdiko Haur Kantu Txapelketaren bultzatzaile eta laguntzaile izan den artista gogoan izango dugulako. Epaimahai kideek Maite Idirinen kantu bat eskainiko dute, txapelketa bukatzerakoan.

Edateko eta jateko izango da bertan, sartzea egun erdiarentzat 8 eurotan izango da, 10 eurotan egunarentzat eta urririk 12 urte artekoentzat.

MP3 jaitsi (21 Mo)

Baionako pannecau karrikan kokatua den Epaiskan, larunbat honetan bertso bazkari bat antolatzen dute.

Bi bertsolari, bi belaunaldi, bi probintzia desberdinetarik datozenak elkartuko dituzte: Haira Aizpurua eta Onintza Enbeita.

Baliatu gira, Epaiskaren ondoko hitzorduak aipatzeko tartean maiatzaren 10ean antolatu duten kontzertua: Ikusiko! Baionako talde berriak joko du Debagoienako Neallta Folarekin.

Arantxa Idiederrek hitz egin du elkarteko kide den Martin Antxiarekin.

Erreserbatzeko bertso bazkariarentzat: 07 45 05 36 90